د مهسا قاتلین په ۳۰ کاله بند محکوم شول
کابل ټکی کام( یکشنبه، ۵غبرګولي، ۱۳۹۸)
نن په کابل کې د مهسا د قاتلینو لومړنۍ محکمه ترسره شوه چې له مخې یې دوی ته د بند سزا واورول شوه.
مهسا څه وخت مخکې د دې کسانو لخوا اختطاف او بیا ووژل شوه.
ابتدائي محکمې د مهسا قاتلینو ته د ۳۰ کاله بند سزا اورولې ده.
دا محکمه نن په کابل کې په علني ډول ترسره شوه او د مهسا د کورنۍ غړي موجود وو چې محکمې د مهسا د قتل په تور نیول شویو کسانو ته د ۳۰ کاله بند سزا واوروله.
د یادونې وړ ده چې دا لومړی ځل دی چې د داسې کسانو محکمه په علني ډول ترسره کیږي.
باید وویل شي چې تر دې وړاندې هم د مهسا د قتل غوندې پیښې رامنځته شوي او ځله وړاندې هم په کابل او ځینو نورو ولایتونو کې د ماشومانو د اختطاف قضیې مخې ته راغلي خو حکومت یې په اړه هیڅ جديت نه دی ښودلی.
په حکومت تور دی چې داسې پیښو ته هېڅ توجه نه کوي او د داسې کړنو د عاملینو په مخنیوي کې هم پاتې راغلی دی.
