ليکوال: احمد منصور
( سه شنبه ٧،غبرګوالي، ١٣٩٨) په روسيه کې د افغانستان او روسې د سل کلنو اړيکو پاللو په وياړ غونډه دايره شوې وه دغې غونډې کې د طالبانو سياسيون، افغان سياسيون او خپله د کوربه هېواد روسيه چارواکو ګډون درلود، د طالبانو د پلاوي مشري په سياسي چارو کې د اميرالمٶمينين مرستيال او د قطر د دفتر ريس محترم ملا عبدالغني برادر کوله چې څوارلس کسېزه پلاوى وه او د افغان سياسونو مشري حامد کرﺯي کوله،برادر صيب په لنډو کې خپله وينا واوروله: د روسى له حکومت څخه مننه وکړه او د اشغال يې د ناخوالو مور وبلله بيا د قطر د دفتر بل غړي ملا امير خان متقي د د روسيه او د افغانستان د اړيکو په اړه د اسلامي امارت دريځ روښانه کړ او د دواړو هېوادو اړيکې يې په درې برخو ووېشلې.
د برادر صيب له وينا او د متقي صيب د رسمي دريځ له اورولو مې چې کوم تأثر اخيستى غواړم همدغه تاثر او نظر مې لوستونکو سره شريک کړم
١برادر صيب په اړه مې چې څنګه اورېدلي ول چې نوموړى په لنډو خبرو د مخاطبينو سر ورخلاصوي پرون يې رښتيا هم د خپلې لنډې وينا په ترڅ کې هم يې له روسيه د دوى د رادعوتولو،له افغانستان سره د اړيکو پاللو مننه وکړه او هم يې د ناخوالو مور د امريکا اشغال وباله
٢-برادر صاحب په خپلو خبرو کې روسيه او نورو ګاونډيو ته ور وفهموله چې امريکا يواﺯې ﺯمونږ هېواد لپاره نه بلکې تاسو ته هم تهديد ده برادرصاحب وويل: د ناخوالو جرړه اشغال ده بايد په ګډه يې د ختمولو لپاره لاس په کار شو
٣-که څه هم برادر صاحب کولى شوى چې د امارت دريځ ګډونوالو ته خپله واوروي خو برادر صيب دريځ اورولو ته متقي صيب انتخاب کړى وه ﺯما په آند برادر صيب دلته دوه ګټې په نظر کې نيولې وې.
لومړى: په داسې طريقې به د دوي هر يو د دفتر ملګري ته د خبرو کولو نوبت ورشي.
دوهم: په دې سره يې د غونډې ګډونوالو او نړيوالو ته وښوده چې د دوي هر يو غړى په ډاډه ﺯړه د امارت دريځ ويلى شي.
د امارت له رسمي دريځ څخه څه په ډاګه شول ؟
١-داچې د سه شنبې غونډه د د دواړو هېوادو د سل کلنو اړيکو په اړه دايره شوې وه او بين الافغاني مذاکرات د چهار شنبې په ورځ وه خو افغان سياسونو د دې پر ځاي چې د سل کلنو اړيکو په اړه وغږيږي دوي دلته هم د اوربند په اړه خبرې کولې،خو طالبانو د مقتضاالحال په اړه چې د سل کلنو اړيکو پاللو په اړه خپل دريځ وويلو دلته که متوجې شو طالبانو د افغان اولس نماينده ګي وکړه.
٢-دا چې امارت د دواړو هېوادو اړيکې په درې برخو ووېشلې له دې څخه دا را معلومېږي چې د امارت چارواکي د هېواد تېر تاريخ څخه پوره ډول آګاه او خبر دي او راتلونکي ماجرا په پوره ډول تعقيبوي.
که وګورو اسلامي امارت هره غونډه د ځان په ګټه را څرخولې نوموړې غونډه کې د برادر صيب شتون څخه را معلومېږي چې دا غونډه ډېره مٶثره وه او د طالبانو لپاره به ډېره مفيده وي.
