غزني: اعتراض کوونکو د ټاکنو کمیسیون دفتر تړل
کابل ټکی کام( شنبه، ۱۸ غبرګولي، ۱۳۹۸)
په غزني کې اعتراض کوونکو د ټاکنو کمیسیون سیمییز دفتر تړلی دی.
اعتراض کوونکي وایي ترڅو چې د ولسي جرګې ټاکنې نه وي ترسره شوي، دفتر نه پرانیزي.
دوی وایي چې د ولسمشرۍ ټاکنو ترڅنګ باید د ولسي جرګې ټاکنې هم وشي.
په غزني کې د ولسي جرګې ټاکنې تر یو څه مودې پورې ځنډېدلي دي.
د لاریون کوونکو په وینا چې په دې ولایت کې د سیاسي معاملو له وجې د ولسي جرګې ټاکنې ځنډیدلي دي.
د یادونې وړ ده چې نن د ولسمشریزو ټاکنو لپاره په دفترونو کې ملاتړې نوم لیکنه پیل شوې ده.
