کابل ټکی کام ( یکشنبه ، ۱۹ غبرګولی ، ۱۳۹۸ل)
وروسته ترهغې چې دافغان قضیې دحل په موخه دامریکا ځانګړي استازي زلمي خلیلزاد خپل اووم پړاو سفر پیل کړ، طالبانو راتلونکی پړاو له یوشمېر لاسته راوړنو ډک بللی.
د طالبانو دسیاسي دفترویاند، سهېل شاهین، عرب نیوزسره په خپله مرکه کې ویلي ،چي د افغانستان د سیاسي مصالحې لپاره امریکا ته پکار ده چي د خپلو قواوو د ایستلو لپاره تقسیم اوقات اعلان کړي.
شاهین زیاته کړې، هيله من يو چې په اووم روانډ خبرو کي به ټول مسایل فیصله شي او یوه موافقه به وشي.
شاهين ویلي،«د خارجي عسکرو د ایستلو فیصله باید متحده ایالات وکړي، او د خارجي ځواکونو د وتلو موضوع به د اجنډا مهمه برخه وي.
نوموړي زیاته کړې، کله چي امریکا تقسیم اوقات اعلان کړي، موږ به دا ضمانت ورکړو چي د افغانستان خاوره به بیا د هیچا پر ضد و نه کارول شي.
بلې خوا بیا یوشمېر افغانان دمذاکراتو اوږدېدا ددې پروسې دناکامۍ په معنی توضیحوي، خوافغان څېړونکي بیا وايي چې پروسه دافغانانو په ګټه روانه ده، او اتلس کلنه جګړه په میاشتو کې دحلېدا قابله نده، شاید چې وخت ونیسي.
