کابل ټکی کام( جمعه، ۷چنګاش، ۱۳۹۸)
د امریکا ولسمشر ډونالډ ټرمپ ویلي چې له ایران سره جګړې کولو ته تلوسه نه لري کنه په وینا یې چې جګړه کول ورسره اسانه کار دی.
دی وایي، که امریکا له ایران سره جګړه کوي نو له یو پیاوړي دريځ څخه به میدان ته راشي، د ده په خبره چې له ایران سره د جګړې پر مهال به له ځمکني پوځ څخه کار وانخلي.
د ټرمپ په وینا له ځمکنیو ځواکونو څخه به ځکه کار وانخلي چې جګړه ډیره اوږده نشي.
ټرمپ په ورته وخت کې له ایران سره بې له قید او شرطه خبرو ته تیاری ښیي خو ایران ورسره خبرو ته نه کیني.
ایران وایي چې امریکا د فشارونو او خبرو پالیسي همهاله پرمخ وړي چې په ټکو یې دا یو غیر معقول کار دی.
ایراني مشران ټینګار کوي چې امریکا دې په دوی لګول شوي بندیزونه لري کړي، له هغه وروسته به خبرو ته سره کیني.
ټرمپ تازه د تیرې دوشنبې په ورځ د ایران په ستر مذهبي مشر آیت الله خامنه یي او د ده په دفتر هم بندیزونه وضع کړل.
