کابل ټکی کام( شنبه، ۸چنګاش، ۱۳۹۸)
د امریکا پخواني ولسمشر جیمي کارټر یو سیمنار ته د خپلې وینا پر مهال ویلي چې ډونالډټرمپ د امریکایي ولس نه، د روسیې په خوښه سپینې ماڼۍ ته ننوتلی دی.
کارټر د خپلو خبرو پر مهال وویل چې ډونالډ ټرمپ یو غیر مشروع ولسمشر دی.
د کارټر په وینا چې پرته له شکه په تیرو ولسمشریزو ټاکنو کې روسیې مداخله کړې او په ټکو یې، که روسیې مداخله نه وای کړې ټرمپ نشو ولسمشر کیدای.
ده ویلي، که پلټنه وشي نو خلکو ته به روښانه شي چې ټرمپ د ولس په رایو نه د روسیې په مداخله ولسمشر شوی دی.
د یادونې وړ ده چې تیره ورځ ډونالډ ټرمپ له خپل روسي سیال پوتین سره وکتل.
د دوی دواړو د لیدنې پر مهال خبریالانو د امریکا په ټاکنو کې د روسیې د مداخلې په اړه پوښتنه وکړه چې ټرمپ د ټوکې په ډول پوتین مخاطب کړ او ورته ویې ویل: بیا په ټاکنو کې مداخله مه کوه
