کابل ټکی کام( دوشنبه، ۱۰چنګاش، ۱۳۹۸)
د تیرې جون میاشتې په ۲۹مه نیته د طالبانو او امریکا ترمنځ اووم پړاو خبرې پیل شوې چې نن یې درېیمه ورځ ده.
دا پړاو خبرې د نورو پړاوونو په نسبت مهمې او سرنوشت سازه ښکاري، دواړه خواوې د ښو پایلو خبرداری ورکوي.
د طالبانو سرچینې بي بي سي ته ویلي چې دا ځل خبرې ښې روانې دي او ښایي نن پای ته ورسیږي.
د سرچینې په وینا چې د خبرو په پای کې به یوه ګډه رسمي اعلامیه هم خپره شي.
ویل کیږي، دا ځل به طالبان او امریکایان په دوو مهمو موضوعاتو چې له افغانستانه د بهرنیو ځواکونو وتل او د افغانستان خاوره د چا په ضد نه کارولو هوکړه اعلان شي.
د ځینو راپورونو پر اساس چې په راتلونکو دوو اونیو کې به د بین الافغاني خبرو سلسله هم شروع شي خو طالبان بار بار وایي چې د افغانستان له حکومت سره من حیث حکومت هېڅکله خبرو ته نه کیني.
