راپور تاژ: عقاب افغان الحنفي
له تېرو اتلسو کالو راهیسې چې کله غربي نړۍ دافغانستان مظلومه جغرافیه ترخپل وحشي اشغال لاندې راوسته، ددې ملت دمظلومیت یو بل پړاو پیل شو.
امریکا او داخلي ملګرو یې یواځې د خپل دښمن (طالب) ځپل پیل نه کړل، بلکه دیوې وحشي او ړندې جګړې په حیث یې دملت هر وګړی په دښمنۍ ونیوه او وژل یې دخپل ځان کامیابي وګڼله.
دسپین ږیرو، علماؤو، طلباؤو اونورو مخورو اومعززو شخصیتونو ترڅنګ یې دمسلمانانو مقدساتو ته له سپکاوي سره سره دمسلمانانو مقدس اماکن (مسجد، مدرسه) هم تخریب کړل.
آخر ددې ملت حوصله په ختمېدو او دانتقام جزبو یې دې ته وهڅول ترڅو له راغليو خارجي او داخلي درندګانو حساب واخلي.
داسلسه لاهم روانه ده، امریکا او افغاني ملګري یې افغان وژنه ددوی په اصطلاح سوله، اودترهګرۍ ځپل بولي.
دصفر یک، دو اونورو ځناور صفته قطعاتو شپنۍ چاپو، او ړندو بمباریو نړیوال رکارډ جوړ کړی.
داچې هر عمل عکس العمل لري، دې ملت دخپل ځان دانتقام او ددښمن ځپلو لپاره له خپلو معتصمینو( طالبانو) وغوښتل ترڅو اشغالګرو او افغاني ساتونکو ته یې یو عبرت ناک درس ورکړي.
ددې ټولو ناخوالو او ظلمونو اصلي ځاله دفاع وزارت اوددې اړوند ادارې دي، دافغان وژنې ټولې طرحې او حُکمونه له همدې ځایه صادرېږي. ددې ادارو هریو کارمند دسختې سزا مستحق دی.
نوځکه طالبانو دا ظالم ریاست ترخپل هدف لاندې ونیوه او لسګونه کارمندان یې ور ووژل او ټپیان کړل.
دابرید یوانتقامي او په ولسي غوښتنه ترتیب شوی او ترکیب شوی برید وو.
دا دمدارسو، مساجدو، ولسي وګړو اونورو جنایاتو په عکس العمل کې تر سره شوی برید وو. دې برید داخلي او خارجي قواوو ته ور وښودل چې داملت لاهم دانتقام، اواقدام جزبې لري، که هرڅومره ظلم وکړئ، سزا به یې ووینئ.
دبرید پیل.
طالبانو د کابل ښار د دوهمې حوزې مربوط د چاودنې او وسله والو بريدونو مسؤلیت ومانه اوخپل انتقامی برید پیل یې داسې ښودلی.
طالبان وايي، لومړی یې په سيمه کې د موټربم په وسيله د دفاع وزارت په یادو څانګو چاودنه وکړه او وروسته سرتيري بريدګر د دفاع وزارت مربوطه ودانيو ته داخل شول چې شدیده جګړه یې پیل کړه.
خبرپاڼه کې راغلي، تر دې دمه په چاودنه او وسله والو بريدونو کې لسګونه عسکر، افسران او د دفاع وزارت کارمندان وژل شوي او ټپيان دي.
دطالبانو ویاند ذبیح الله مجاهد لیکلي، لا هم د یاد وزارت اړوند تأسيسات تر سختو انتقامي بريدونو لاندې دي.
د روغتيا وزارت چارواکو ددرندې مرګ ژوبلې خبر ورکړی، دوی زیاتوي، تر دې دمه نږدې اویا ټپيان روغتونونو ته د تداوۍ لپاره وړل شوي دي.
ويل کيږي، د چاودنې له کبله د نږدې ودانيو ښیښې ماتې شوي چې یوشمېر ملکي کسان سرسري ټپيان شوي دي.
یوې امنيتي سرچينې د نوم نه ښودلو په شرط رسنيو ته په لومړنيو معلوماتو کې وويل، چې د چاودنې او وسله والو بريدونو له کبله د دغه وزارت اړوند له شپېتو تنو زيات کارکوونکي وژل شوي او لسګونه تنه نور ټپيان دي.
نړیوالو اوحکومتي چارواکو ته پیغام.
طالبانو په دې حساس اومذاکراتي بهیر کې نړیوالو او امریکايي مذاکراتي ټیم ته په دې انتقامي برید سره داپیغام ورکړ، چې موږ لاهم خپل هدف ته ژمن یو او له مذاکراتو سره سره خپله نظامي جګړه هدف ته د رسېدا مهم اړخ بولو.
که امریکا اوملګري یې تردې وروسته دطالبانو شرایط اوغوښتنې ونه مني، اشغال ختم نه کړي، افغان وژنه ونه دروي؛ داسې به وځپل شي.
داخلي عناصر هم طالبانو چیلنج کړل، که وحشي بمبارۍ او شپنۍ چاپې بندې نه کړي؛ ددغسې انتقامي بریدونو ښکار به شي.
