ملټري ټايمز: افغانستان د بهرنيو ځواکونو لپاره خطرناک هيواد دی
(کابل ټکی کام، ۱۳۹۸، چنګاښ ۱۷)
د امريکا ملټري ټايمز ورځپاڼې په یوه مقاله کې ليکلي، چې افغانستان لا هم د بهرنیو ځواکونو لپاره خطرناک هيواد دی.
په مقاله راځي، که څه د جګړې مسؤولیت افغان ځواکونو ته سپارل شوی خو لا هم په دغه هيواد کې بهرنيان تلفات ګالي.
د ورځپاڼې په باور، افغانستان کې د جګړو له امله هره ورځ د افغان پوځیانو تر څنګ بهرنيو ځواکونو ته هم تلفات اوړي.
ملټري ټايمز ليکي، د افغانستان جګړه قوي مديريت ته اړتيا لري او دغه جګړه بايد کنټرول کړل شي.
دغه راز یادې ورځپاڼې د سولې روانې خبرې مهمې بلي او هيله يې څرګنده کړې چې یادې خبرې بريالۍ او د جګړې د پای ته رسيدو سبب وګرځي.
