کابل ټکی کام( دوشنبه، ۱۷چنګاش، ۱۳۹۸)
امریکا ایران ته د نویو بندیزونو د وضع کولو خبرداری ورکړی دی.
د امریکا د بهرنیو چارو وزیر مایک پومپیو ویلي چې ایران به له نویو بندیزونو سره مخ شي.
امریکا په ایران د نویویو بندیزونو خبره وروسته له هغه کوي چې تهران تیره ورځ د اتومي تړون د ماتیدو اعلان وکړ.
ایران وویل چې نور د ۲۰۱۵م کال اتومي تړون ته ژمن نه دی او په خپله خوښه به یورانیم بډایه کوي.
مایک پمپیو ګواښ کړی، که ایران د اتومي وسلې خاوند شو نو ټوله نړۍ به له خطر سره مخ کړي.
ده همدا راز خبرداری ورکړی چې د ایران دا نوی ګام اوچتول به خپله دې هیواد ته زیات تاوان وکړي او په ټکو یې چې ایران به په نړۍ کې نور هم یواځې شي.
په ورته وخت کې اروپایي هیوادونو هم ایران ته د ۲۰۱۵م کال اتومي تړون د ژمن پاته کیدو سپارښتنه کوي خو ایران بیا تور پورې کوي چې اروپایي هیوادونو له دوی سره په کړې وعده وفا نه ده کړې، کنه په ټکو یې دوی اوس هم هڅه کوي چې دا تړون له ماتولو وژغوري.
