کابل ټکی کام (چهارشنبه ، ۲۶ چنګاښ ، ۱۳۹۸ل)
نن ځینو رسنیو راپورونه ورکړل چې وردګو ولایت کې دطالبانو له لوري ګڼ شمېر روغتیایي مرکزونه تړل شوي چې خلک یې له ډېرو مشکلاتو سره مخ کړي.
رسنیو د ۷۷ روغتیايي مرکزونو له جملې ۴۲ مرکزونه یاد کړي وو چې دطالبانو د فشارونو له امله تړل شوي دي.
قطر کې دطالبانو دسیاسي دفتر ویاند اومذاکراتي ټیم غړي سهېل شاهین په دې اړه توند غبرګون ښودلی او ټول خپاره شوي راپورونه ددولت تبلیغاتي جګړه یاده کړې.
شاهین په خپله ټوېټر پاڼه لیکلي《په میدان وردګو کې د اسلامي امارت له خوا د سویدن د کمیټې د کلینیکونو په ورځنیو کارونو کې کومه ستونزه نشته》
شاهین وایي《په همدې ولایت کې څو ورځې مخکې دګډ دولت له خوا په یوه کلینیک برید او د طبي پرسونل او پایواز وژل هغه جنایت دی چې په دې ډول تبلیغاتونشي پټيدای》
