کندهار: د امنیه قومندانۍ په دروازه کې موټربم چاودنه شوې

کابل ټکی کام( پنجشنبه، ۲۷ چنګاش، ۱۳۹۸)

د کندهار ولایت د امنیه قومندانۍ په شمالي دروازه کې موټربم چاودنه شوې ده.

ځایي چارواکو هم پیښه تائید کړې او وایي چې له موټربم برید وروسته په سیمه کې د ډزو غږونه اوریدل کیږي.

بریدګرو له امنیتي ځواکونو سره جګړه پیل کړې ده.

د برید مسؤلیت طالبانو په غاړه اخستی دی.

د طالبانو ویاند قاري یوسف احمدي په یوه خپره کړې اعلامیه کې ویلي چې لومړی د دوی یو تن بریدګر د موټربم په توسط چاودنه کړې او وروسته نور بریدګر امنیه قومندانۍ ته ننوتلي او په جګړه بوخت دي.

طالبانو د لسګونه حکومتي کسانو د مرګ ژوبلې ادعا کړې ده.

تر اوسه د مرګ ژوبلې او تلفاتو کره شمیرې نه دي خپرې شوي.