ولسمشر غني د جلال اباد ښار برید په سختو ټکو وغندو

کابل ټکی کام ۲۷مرغومي/۱۳۹۴، احمدالله مهاجر
له ارګه په خپره شوې خبر پاڼه کې راغلي دي چې ولسمشر اشرف غني په جلال اباد ښار کې د ولایتي شوراء د غړي عبیدالله شینواري پر غونډه سرتېری برید په سختو ټکو وغندلو.
خبر پاڼې د ولسمشر له قوله لیکلي چې «هغه کسان چې د بې ګناه خلکو وینې تویوي، مونږ ور سره د سولې په اړه خبرې نه کوو.»
د یادولو ده چې نن سهار شاوخوا ۱۰بجې د عبیدالله شینواري په کور کې پر جوړه شوې غونډه سرتېری برید وشو چې پکې ۱۵تنه ووژل شول، او تر ۲۰زیات کسان ټپيان شول.
د طالبانو ویاند رسنیو ته په یوه استول شوي پیغام کې ویلي چې یاد برید د دوی جنګیالیو پورې اړه نه لري.
لا تر دا مهاله کومې بلې وسلوالې ډلې د یاد برید په اړه څه نه دي ویلي.