(کابل ټکی کام، ۱۳۹۸، چنګاښ ۲۹)
د پاکستان هوايي چلند ادارې ويلي، چې يوه مسافر وړونکې الوتکه له ځغاستليکې وتلې خو چاته پکې زيان نه دی اوښتی.
د سرچينې په وينا، دغه الوتکه د ګلګت پر هوايي ډګر د ښکته کيدو پر مهال د پيلوټ له کنتروله وتلې او هوايي ډګر ته نږدې په یوه ډاګ کې ښکته شوې ده.
یاده الوتکه له اسلام اباد څخه ګلګت ته روانه وه چې له حادثې سره مخ شوې ده.
د دغه هیواد د هوايي چلند ادارې ويلي، په الوتکه کې ټول اته څلويښت کسان سپاره و چې هيڅ کوم مسافر یا د الوتکې عملې ته پکې زيان نه دی اوښتی.
د ژغورنې ډلې او امنيتي کسان د پيښې ځای ته رسيدلي او د ګلګت هوايي ډګر هم د لږ وخت لپاره تړل شوی دی.
