کابل ټکی کام (پنجشنبه ، ۳ زمری ، ۱۳۹۸ل)
مشهور سیاسي څېړونکي مکس بووټ دولسمشر ډونالډ ټرمپ وروستیو څرګندونو په اړه تبصره کړې اودنوموړي نظامي لاپې یې بې فایدې یادې کړي .
مکس زیاته کړې، که چیرې جنګي او نظامي کلماتو جنګونه ګټلای سوای، جمهورریس ټرمپ به د تاریخ ستر فاتح وای. هغه به هم سکندر، هم جولیس سیزر، او هم ناپولیون وای.
خو له بده مرغه ټرمپ هغه لافوک زنکه بازه دی چي د ویتنام له جنګه یې د بوجولکي د هډوکي د خرابوالي په پلمه ځان خلاص کړ.
ټرمپ وویل چي که وغواړي افغانستان به په لسو ورځو کي تباه کړي؛ خو دی په دې نه پوهېږي چي طالبان د ټانګونو او توپونو فابریکې نه لري چي ټرمپ یې ور خرابې کړي، بلکي هغوی په خلګو کي ژوند کوي، او همدا د هغوی د قوت ټکی دی.
زموږ افغان ملګري باید پدې باب اندېښمن نه وي چي ټرمپ به یې پوپنا کړي، بلکي هغوی باید لدې بابته تشویش ولري چي ټرمپ به يې یوازي پرېږدي اوطالبان به یې لاسونه او پښې ور وتړي.
ځکه د ټرمپ دا لاپي شاپي فقط د دې لپاره دي چي له افغانستانه راووځي، او افغانستان طالبانو ته ور خوشي کړي ترڅو دوی له یوې ناکامې جګړې تیښته اوخپل پاشلی قدرت راټول کړي.
