کابل ټکی کام (پنجشنبه ، ۱۰ زمری ، ۱۳۹۸ل)
دهالنډ حکومتي چارواکي وایي چې سر له ننه ښځې نشي کولای چې په عامه ځایونو کې حجاب واغوندي، که بیاهم څوک سرغړونه کوي؛ سختو جریمو سره به مخ شي.
دې هېواد کې یاد سخت دریزه قانون یو کال مخکې د هالنډ پارلمان تصویب کړی و چې نن نافذ شو.
قانون کې راځي، هیڅوک نشي کولی چې ښوونځیو، حکومتي ودانیو، روغتونونو او نورو عامه ځایونو کې مخ پټ کړي.
چارواکي زیاتوي دا اقدام یې د عامه ځایونو د خوندیتابه لپاره کړی دی خو هالنډ کې مېشت مسلمانان بیا په دې باور دي چې دا ګام د مسلمانو مېرمنو له خوا د برقعې د له منځه وړلو لپاره شوی دی.
د دې قانون له مخې که چېرته اړتیا پیدا شوه پولیس کولی شي له یوې ښځې د مخ لوڅولو غوښتنه وکړي او که یې غوښتنه ونه منل شوه؛ نو ۱۵۰ یورو جریمه کېږي.
ددې هېواد مېشت مسلمانان یاد قانون خواشیني کړي، اودایې ددوی پر مذهبي ازادۍ ښکاره ګوزار بللی، چې په هیڅ قانون کې ځای نه لري.
