کابل ټکی کام (یکشنبه ، ۱۳ زمری ، ۱۳۹۸ل)
نن مازدیګر مهال د کابل په څلورمه امنیتي حوزه کې د تایمني په پېنځم سړک د خورشید تلویزیون پر کاسټر موټر دماین چاودنې مرګ ژوبله رامنځته کړې.
د کورنیو چارو وزارت د چاودنې پخلی کړی او زیاته کړې یې ده چې په دې چاودنه کې دوه کسان وژل شوي او درې تنه مرګوني ټپیان دي چې روغتیایي وضعیت یې د ډاډ وړ نه دی.
کابل مېشتو ځایي اوسېدونکو بیا چاودنه زوروره بللې او ددرندې مرګ ژوبلې په اړه یې راپورونه ورکړي.
تر دې دمه ددې چاودنې مسئولیت کومې ډلې نه دی منلی، خو وخت ناوخت طالبان رسنیو ته دسرغړاوي په بدل کې دنظامي اقدام ګواښ کوي چې تر دې وړاندې یې یوشمیر تلویزونونه خپل هدف هم ګرځولي دي.
