راپور تاژ: عقاب افغان الحنفي
دهر هېواد پوځ دهمغې خاورې محافظین او دقدر وړ بلل کیږي. که ازادو ممالکو ته نظر وکړو، پوه به شو چې دهر مملکت مهمه سرمایه دهغه هېواد ملي پوځ دی.
خو ولې زموږ په ګران هېواد افغانستان کې دنورو قوتونو له لوري حاکم شوی پوځ دملت له لوري دښمن ګرځول شوی، او پر وړاندې یې سنګر نیولی؟
هغه لاملونه چې افغان ملت یې دې دښمنۍ ته اړ کړی.
دلته موږ هغه لاملونه راسپړو چې دپوځ اوملت ترمنځ یې فاصلې ایجاد کړي، دشمنۍ یې راپارولي، اوخلک یې اړ کړي چې دپوځ له ملاتړ څخه دښمنۍ ته ترجیح ورکړي.
.۱. پوځ داشغال ایجاد.
پوځ باید خپلواک او دملت مدافع وي، داچې زموږ پوځ داشغال ایجاد، اوپه استعماري عقیده روزل شوی دی؛ ځکه قابل دقدر نه دی، اوخلک یې دشمني کوي.
.۲. په خپل ارضي تمامیت سودا کول.
زموږ پوځ او حکومت پرخپلې ځمکنۍ بشپړتیا سودا وکړه، خپله خاوره یې یرغلګرو ته په واک کې ورکړه، اوهغوی یې ددې خاورې واکمن وګرځول.
.۳. ددیني مقدساتو سپکاوی.
افغان دولتي ځواک دامریکا په اشارې دخپلو مقدساتو سپکاوی وکړ، دپروان په مختلفو ولسوالیو کې په سپي رسم شوې کلیمه همدغو ځواکونو له تیارو وغورځوله ترڅو دافغان ملت احساس امتحان کړي.
.۴. ددیني قشر ټول وژنه.
دې پوځ داستعمارګرو په اشاره دپخوانیو فرعوني طبقو بل خاصیت هم خپل کړ، دهیواد په مختلفو ولایاتو کې یې لسګونه علماء او په سنت نبوي مزین خلک په شهادت ورسول.
.۵. شپنۍ چاپې.
داهغه جنایت دی چې ولس یې نور دغندلو توان نه لري، ترټولو لویه دشمنۍ اوبربریت په دې وحشي عمل سره دوی تر سره کړ او ملت یې دپراخ اقدام لپاره اړ کړ
داښځې څوک او ولې دپوځ ملاتړ ته راووتې، اوله دې څخه یې هدف څه دی؟؟
دهیواد په مختلفو ولایاتو کې دښځو راوتل او دپوځ ملاتړ اعلانول دهمدغې دشمنۍ ښه مثال دی چې موږ یې دملت اوپوځ ترمنځ د واټن داثبات لپاره پیش کولی شو.
ولې یې ملت ملاتړ نکوي؟ ځوانان یې ولې په دفاع کې غونډې او دهمکارۍ ډاډ نه ورکوي؟ خو ظاهره ده چې دلته خورا بدلون راغلی او دا ولس ویښ شوی دی.
داچې نن بې ستره اوبې حجابه ښځې دپوځ ملاتړ اعلانوي، ګلان ور ترغاړې کوي، اوپه حمایت کې یې اشعار وایي؛ څومره بې شرمي ده؟
دا لا څه چې یوشمېر موثقو سرچینو کابل ټکي کام ته وویل، چې داښځې داردو، کمانډو، پولیسو اونورو نظامي قطعاتو دکورنیو غړې دي، چې دیو منظم پلان له مخې دا تبلیغاتي کار پرمخ وړي.
دوی په دې سره دخپل حیثیت بایلل پټوي، اوخلکو ته دخپل محبوبیت داظهار په پار مجبوراً دغسې بې شرمیو ته لاس اچوي.
دټولنیزو رسنیو یوشمېر فعالانو بیا اوسنۍ حالت دنجیب دحکومت وروستیو شیبو ته ورته بللی، او زیاته کړې یې ده چې پوځ تر آخر حده بې حیثته اوبې ملاتړه دی چې غواړي ځان په دغسې کړنو کم رنګه ونه ښیي.
