کابل ټکی کام (چهارشنبه ، ۱۶ زمری ، ۱۳۹۸ل)
ځایي اوسېدونکي او دولتي چارواکي خبر ورکوي چې پکتيا کې د ګردېز- پټان پر لويه لار وسله والو طالبانو د ملي اردو اووه سرتېري وژلي دي.
راپورونه وایي ، وژل شوي سرتېري د اووم کنډک د درېيم ټولي سرتېري وو چې شپږ مړي يې قول اردو ته ور وړل شوي او د سيد کرم ولسوالۍ د يوه اوسېدونکي جسد د خپلو خلکو له خوا وړل شوی دی.
دغه راز د پکتيا ولايتي شورا رييس عبدالمالک ځاځی هم ياده پېښه تائيدوي او وايي چې دغو سرتېرو په احمدخېلو ولسوالۍ کې دنده درلوده او د معاش اخيستو لپاره ګردېز ته ورتلل چې د ميرزکې ولسوالۍ اړوند په کړکين خوله سيمه کې وسله والو طالبانودوژلي دي.
دپکتيا د امنيې قوماندانۍ وياند سردارولي تبسم وويل چې د يادې پېښې په اړه معلومات نه لري.
وسله والو طالبانو هم تر اوسه په دې اړه څه نه دي ویلي خودسیمې اوسېدونکو اودولتي لوري ددې پیښې پخلی کړی، اوحمله کونکي یې وسله وال طالبان یادکړي.
