څارنوال حشمت عبيدي
د سعودي یو معروف بزرګ عالم په زندان کې وفات شو، الشيخ صالح عبد العزيز الضميري د “قصیم” په “الطرفية” کې زنداني وو. شیخ ضمیري څو ځله مسلسل بندي شوی او آزاد شوی وو، خو په پای کې د ده پر خلاف همهغه نوی سازش وکارول شو چې په زندانونو کې له مظلومو عالمو او مؤمنو بندیانو پر خلاف ترسره کیږي، همهغه خباثت چې د آل سعود مزدور سیسي د شهید محمد مرسي پر خلاف وکړ، یعنې بندي له ډاکټر او روغتونه لرې په بد، مقید، سخت او ستونزمن حالت کې ساتل، دوی په دې ډول غواړي د قاتل له عنوانه ځان او د شهید له عنوانه خپل دښمن وساتي، داسې مرموز مرګونه د شیطانانو په زندانونو کې اوج ته رسېدلي دي، بالخصوص د مصر، سعودي، اماراتو او ایران په وحشي زندانونو کې.
شیخ مرحوم هم د زړه د ناروغۍ باوجود له درملنې محروم وساتل شو، تر دې مخکې د مدینې پوهنتون د شعبة القرآن د پخواني مشر شیخ عماري سره هم همدا وضعیت وشو، خو سیمه اییزه میډیا غلې ده، په سعودي زندانونو کې اوس هم په سلګونو علماء بندیان دي. موږ د آل سعود په غندنه سلفیت یا وهابیت نه په نښه کوو، د دغو مظلومو علماوو مطلق اکثریت سلفیان دي خو موږ پر المسلم اخ المسلم ایمان لرو، په دوی همهغومره دردیږو لکه څومره چې د مصر په مظلومو حنبلیانو او حنفیانو ځوریږو، همدا د اسلام لارښوونه ده او همدا د گردو مسلمانانو شعار دى.
اللهم ارحمهم
