کابل ټکی کام( چهارشنبه، ۳۰زمری، ۱۳۹۸)
د افغان سولې لپاره د امریکا ځانګړي استازي او له طالبانو سره د خبرو لپاره د امریکایي ټیم مشر زلمي خلیلزاد یو ځل بیا له واشنګټنه د سفر موزې په پښو کړي دي.
خلیلزاد په خپل ټویټر لیکلي چې په واشنګټن کې مې ګټوره اونۍ تیره کړه او له هغه وروسته دادی بیا پر لار یم.
“ما په واشنګټن کي ګټوره هفته تېره کړه، د خپلو مشرانو او مدیرانو سره مې دا معلومات شریک کړل چې ایا د سولې په خبرو کې موږ ترکومه ځایه رسېدلي یو، زه اوس بیا پر لاره یم”
که څه هم تر دې وړاندې ویل شوي وو چې نوموړی به لومړی کابل ته ولاړ شي او له هغه وروسته به قطر ته ځي خو خلیلزا په خپل ټویټر لیکلي چې د ده لومړی تمځای به دوحه وي.
خلیلزاد له خپله اړخه چمتوالی ښودلی او ویلي یې دي چې تر خپلې هڅې به پاته او باقي مسائل حل کړي خو د ده په ټکو چې وبه ګوري طالبان هم اماده دي او کنه؟
تر دې وړاندې ویل کیدل چې ښایي دا پړاو وروستي مذاکرات ونومول شي خو د ځینو راپورونو پر اساس ښایي بل راونډ ته هم ضرورت پیدا شي.
