دایکنډي : د پوهنې ریاست شپږ میلیونه افغانۍ غلاشوي دي
کابل ټکی کام (سه شنبه، مرغومی ۲۹مه، ۱۳۹۴ ل):
د دایکنډي چارواكو ويلي دي، چې د دغه ولايت د پوهنې رياست شپږ ميليونه افغانۍ غلا شوې دي.
د دغه ولایت د پوهنې رياست مالي آمر سيد مصطفى موسوي وايي، د پوهنې رياست معتمد درې ورځې وړاندې له بانك څخه د دې ادارې شپږ ميليونه افغانۍ را ايستلې وې، خو كله چې د پيسو بيك سره کورته روان وه په لاره کې ترې تم شوی دی.
د موسوي په وینا اوس مهال د معتمد اړېکه له خپل کور او د پوهنې له اړوند چارواکو سره شلېدلې ده، له درې ورځو را په دې خوا پولیسو د معتمد کور تر مراقبت لاندې نيولی .
د دایکنډي والي «معصومه مرادي» پېښه تائید کړې او امنیتی ارګانونوته یې دنده ورکړې ترڅو د پېښې په اړه جدي پلټنې وکړي .
مرادي زياتوي، د پېښې عاملين به ډېر ژر پيدا او ستونزه به حل شي.
دا لا جوته نه ده چې د پوهنې ریاست دغه بوديجه معتمد غلا کړی او که معتمد له پیسو سره تښتول شوی دی.
د یادونې وړ ده، چې تر دې يوه مياشت وړاندې په دايكنډي ولايت كې د ښاروالۍ يو ميليون بوديجه هم د خپلو كاركوونكو لخوا غلا شوې وه چې د چارواکو په وینا عاملین يې ونيول شول .
سليم بریال
