درې پوښتنې!

اوډون: خوشال درانی
عیسوي راهب موسکی شو. نورو راهبانو ته یې وکتل، په فاتحانه انداز یې وویل: دا ځل یې حتماً ګټم. نن به د حق او باطل پته ولګیږي.
نورو راهبانو په غاړه کې ځړیدلي صلیبونه ښکل کړل. ټولو وویل هو نن به حتماً دا مناظره ګټو!
عیسوي راهب د مسلمان ځوان خونې ته ننوت. په لوړ غږ یې وویل: مناظرې ته تیار یې؟
مسلمان ځوان زړه کې وویل: لویه ربه! د تل په څېر بیا پر دوی بری راکړه. تاته مې پناه دروړې او تاته پناه دروړم.
ځوان وویل: هو تیار یم. تاسې خپلې پوښتنې وکړئ، زه به ستاسې پوښتنې د لوی خدای په مرسته ځوابوم.
راهبان خپلو کې وبوږنېدل، اوس یې هم د ګټلو خیال ویني!
راهب وویل: درې پوښتنې دي، که دې ځواب کړې، زه د اسلام دین منم، که نا ځوابه پاتې شوې، نو ته به ……..
مسلمان ځوان مسکی شو. لومړی شرط دې منم؛ خو وروستی شرط دې بېرته واخله! زه ان شاء الله ستا پوښتنې ځوابوم.
نورو راهبانو چیغې کړې، ځواب یې نه لري، له مناظرې وډار شو……
مسلمان ځوان په ارامه وویل : هیله کوم چېغې مه وهئ! خپلې پوښتنې وکړئ!
راهب وویل: لومړۍ پوښتنه: الله ج که وي، نو شکل یې راوښایه؟
دویمه پوښتنه : شیطان له اوره پیدا شوي، نو اور به اور څنګه وسوزي؟
درېیمه پوښتنه: قضاء او قدر څه ته وايي؟
مسلمان ځوان سوچ کې شو، خو وروسته یې یوه ښه کلکه څپېړه عیسوي راهب وواهه.
نورو راهبانو چیغې کړې، هلئ بې ځوابه شو، موږ خو د وهلو لپاره نه وو راغلي؟ وګورئ زموږ راهب یې وواهه، د پوښتنو ځوابونه نه لري!
خونه کې عیسویانو چېغې شروع کړې، خو مسلمان ځوان وویل ارام اوسئ! دغه یوه څپېړه ستاسې د ټولو پوښتنو ځواب دی؛ خو لږ فکر وکړئ!
راهب مخ وسولاوه. څپېړه او ځواب؟ زه دې ووهلم، ودردېدم، ته وايي ستا د پوښتنو ځواب و؟
مسلمان ځوان را وچت شو. غوږ شئ! دغه یوه څپېړه ستاسې د ټولو پوښتنو ځواب دی.
مسلمان ځوان وویل: درد احساسوې؟
عیسوي راهب وویل: هو، ډېر سخت دې ووهلم، ټول مخ مې درد کوي.
مسلمان ځوان وویل: د درد شکل ښودلی شې؟
عیسوي راهب: نو د درد شکل څنګه دروښایم؟
مسلمان ځوان: الله ج شته؛ خو په دې دنیا کې یې زموږ سترګې د هغه د لیدو توان نه لري. موږ باید همداسې عقیده ولرو، چې الله شته: خو موږ یې نشو لیدلی او نه یې شکل چا ته ښودلی شو.
عیسوي راهب سر ټیټ کړ. ښا دویمه پوښتنه؟
مسلمان ځوان: زما لاس د څه شي جوړ دی؟
راهبان: خو له غوښې او هډوکي!
مسلمان ځوان او ستا مخ؟
عیسوي راهب: خو زما مخ هم له غوښې او هډوکي.
مسلمان ځوان: غوښې بله غوښه خوږ کړه؟
عیسوي راهب: هو، مخکې مې هم درته وویل، چې مخ مې سخت درد کوي.
مسلمان ځوان وویل: دا یې دویم ځواب، که الله ج وغواړي، نو اور به په اور وسوزوي.
نورو چېغې کړې، هغه بله پوښتنه؟
مسلمان ځوان عیسوي راهب مخاطب کړ. ته پرون پوهېدې، چې زه به دې ووهم؟
عیسوي راهب: نه
مسلمان ځوان: نن هم پوهېدې چې زه به دې ووهم؟
عیسوي راهب: نه، زه د وهلو لپاره نه وم راغلی.
مسلمان ځوان: دا یې قضا او قدر
یو عیسوي راهب چېغه کړه، ځوانه! ماته کلمه ووایه، زه د اسلام مبارک دین منم. أَشْهَدُ أَنّ لَّا إِلَٰهَ إِلَّإ الله و أَشْهَدُ ان محمد رسول الله