کابل ټکی کام (چهارشنبه ، ۶ وږی ، ۱۳۹۸ل)
المان غږ دطالب او امریکایي مرکچیانو وروستۍ هوکړې، اوددې اعلان ته دنړیوالو په بې صبرۍ او انتظار یومطلب خپور کړی دی.
المان غږ لیکي، جهانیان د امریکا او طالبانو تر منځ د مثبت خبر اعلانېدو او وروستۍ هوکړې ته انتظار باسي.
او زیاتوي، د نهم روانډ د خبرو لپاره خورا زیاته خوشبیني موجوده ده، ځکه داسي ښکاري چي د دې اوږده جنګ د ختمېدو چانس بېخي رانژدې سوی دی.
المان غږ وايي په قطر کي باخبره منابعو ورته ویلي چي د کلي موافقې پر عمومي ټکو باندي موافقه سوې ده، او اوس فقط پر جزییاتو باندي خبري روانې دي.
المان غږ دمطلب پر دوام لیکي، باخبره منابعو ورته ویلي چي پر ممکن اوربند باندي هم توافق سوی دی. مانا دا چي طالبان به پر هغو امریکايي عسکرو باندي حملې نه کوي چي له افغانستانه وځي.
مطلب کاږي، کله چي د امریکا او طالبانو تر منځ موافقه اعلان سي، بیا به د بین الافغاني مذاکراتو لپاره جد و جهد شروع سي.
مطلب خپل وروستي ټکي داسې کاږي، وروستۍ موافقه به دغني موقف ورضعیف او ممکن ټاکنې ور لغوه کړي چې دابه دغني مورال له صفر سره ضرب او سربداله کړي.
