انحنیر عمیر ویاړ
سيکولران هسې د درنو شخصيتونو او د ديني ارزښتونو توهین ته پلمې لټوي. د اردو او نور له غم ولاکه مړه وي. دوی که په رښتيا د ملي ارزښتونو پالونکي وای، نو لومړی به يې غني تر ګرېوانه را نېولای وای. او ترې پوښتلي به يې وو، چې څنګه دې زموږ ملي اردو او په ټوله کې امنيتي سکتور د نيويارک او واشنګټن مدافع وباله؟
ترې پوښتلي به يې وو، چې څنګه زموږ پر امنيتي سکتور دومره بې باوره ياست، چې د ليدو پر وخت يې له اسلحو شاجورونه باسې؟
ترې پوښتلي به يې وو؛ چې زموږ پر امنيتي سکتور دومره بې باوري د څه له وجې، چې له ارګه تر دارالامان او د لويې جرګې تر تالار په الوتکه کې ځې؟
ترې پوښتلي به يې وو؛ چې پنځه څلويښت زره امنيتي سرتېري دې ولې د امريکايي ښارونو د خونديتوب له پاره قرباني کړل؟
ترې پوښتلي به يې وو، چې ولې ستا د مفسد نظام په ادارو کې د امنيتي سرتېرو له کونډو او يتيمانو د جنسي استفادې غوښتنه کېږي؟
ولې ولې؟؟؟
آيا؛ د [سرتېريه له تاسره يم] د کاذب شعار معنیٰ همدا ده؟
آيا؛ سرتېري د همدې له پاره سر وبايله او ځان يې معيوب کړ، چې ته يې ناموس د جنسي فقر وهلو او لېوانو رحم و کرم ته پرېږدې؟
آيا؛ سرتېري د همدې له پاره له خپل ژوند او سره تېر شول، چې ته يې کونډې او يتيمان د لارې په سر سوال او خيرات ته کېنوي؟
او…
خو رښتیا داده، چې دوی نه ولاکه د اردو له غمه مړه وي او نه هم د ملي ارزښتونو او نواميسو، بلکې دوی د ځينو مفسدو استخباراتي کړيو له لورې د همدې له پاره ګُمارل شوي، چې درانه شخصيتونه پرې وداړي او سپک يې کړي.
