غورځنګ
کله چې لومړی نړيوال جنګ ونښت او اروپايي هېوادونه پکې دوه ډلې شول چې يوه ډله يې د متحدينو تر نامه لاندې راپورته او سره متحد شول او بله ډله يې د محور ځواکونو تر نامه لاندې سره يو ځای شول. که څه هم دواړه نړيوال جنګونه د اقتصادي او اسلحې جوړنې د سيالۍ په ترڅ کې پيل شوي دي خو په هر صورت کله چې د متحدينو او محور ځواکونو تر منځ په ۱۹۱۴ ميلادي کال جګړه پيل شوه نو دا چې امريکا په دغه وختونو کې دريمګری هېواد بلل کېده خو امريکا د خپل دريمګړي توب پر ځای نېغ په نېغه د نمرود د وخت د کربوړي په څېر د جګړې اور ته پوکی پيل کړ او خپل اسلحې ته يې بازار موندنه شروع کړه که به چېرته د متحدينو اسلحه په کمېدو شوه نو امریکا به د اسلحې د ورکولو ټټر ورته وواهه، او که به چېرته د محور ځواکونو اسلحه په کمېدو شوه هم به امريکا ورکوله.
لنډه دا چې امريکا په لومړۍ نړيواله جګړه کې د شيطانت دنده اجراء کوله، خو داسې نه و چې په دغه جګړه دې امريکا ته بلکل تاوان نه وي رسېدل، بلکې په لس زره ګونو عسکر يې بې ځايه ووژل شول.
کله چې په ۱۹۳۹ ميلادي کال کې دويم نړيوال جنګ ونښت په دغه جنګ کې هم اروپايي ملکونه چې لا د لومړۍ نړيوالې جګړې له وخته يې زړونه سره ډک وو؛ په هماغو دوو ډلو ووېش شول. خو دا ځل چې جګړه په هماغه زړه بڼه او شکل وه نو امريکې هم هماغه زول شکل ځانته غوره کړ.
خو دا ځل جاپانيانو په اسټرليا کې او جرمنيانو به اروپا کې امريکا ته سخت زيانونه واړول، په سلګونو پرمختلې طيارې، بېړۍ، پوځي وسائط ، پوځيان او نور ډېر شیان يې له منځه لاړل. خو کله چې امریکا پوره پوځي زور وواهه او زور يې ونه رسېده نو يې پر جاپان د وحشي او لېوني سپي په څېر ورودانګ او د جاپان پر دوو ښارونو (هيروشيما او ناګاساکي) یې اتوم بم وکاراوه. د دغه بم د کارولو په ترڅ کې تقريباً دوه لکه کسان ووژل شول.
لنډه دا چې امريکا لا له پيله خپله څېره وحشي ښودلې وه.
له هغه راوروسته چې کله په ويتنام کې امريکا ماتې وخوړله هلته يې د شيطانت کارونه پيل کړل. کله چې د شمالي او جنوبي کوريا تر منځ خپلمنځي جنجال و، هم امريکا پکې مداخله وکړه.
امريکا په اسلامي نړۍ کې!
د ځينو شنونکو پر باور کله چې صدام حسين غوښتل چې خپل ځانته خپله سکه چاپ کړي تر څو يې د هېواد اقتصاد د امريکا له غلامۍ خلاص شي نو امريکا پرې پر مختلفو بهانو پرې حمله وکړه. په لېبيا کې يې معمر القذافي هم په ورته بهانو باندې راوپرځاوه. په ټوله عربي نړۍ کې يې د عربو د پسرلي تر عنوان لاندې عربي ملتونه له خپلو حکومتونو سره په جنګ اخته کړل.
بيا يې چې کله افغانستان ته وکتل نو هم زړه يې ورته ښه نه او په مختلفو بهانو يې پرې حمله وکړه چې دا دی تر اوسه پورې لا امریکايي پوځيان مېشت دي.
نو په پای کې وايو چې امریکا چې اوس په مختلفو هېوادونو کې جګړه تر سره کوي، دا د خپل ځان له وېرې کوي. ځکه چې امريکا له پيل نه تر اوسه پورې د ميليونونو انسانانو ژوند ګواښلی دی، ميليونونه انسان يې وژلي او همدومره نور يې ځورولي او بې کوره کړي دي.
او په کومو ملکونو يې چې خپل وحشي يرغلونه تر سره کړي، هغه هېوادونه خو لا پر ځای پرېږده!
نو که چېرته د امريکا د حکومت حالت کمزوری شي، نو ايا د امريکا دښمنان په نړۍ کې زيات نه وي؟؟ ايا کوم هېوادونه چې امريکا پرې حملې کړي دي، له امريکا به د غچ اخيستلو هوډ ونه کړي؟؟ آيا جاپان به پر خپلو دوو ښارونو باندې د اتوم بم اچولو پوښتنه له امريکا څخه ونه کړي؟؟ که دواړه کورياګانې سره متفقې شي نو د خپلمنځي جنګ پوښتنه به له امريکا څخه ونه کړي؟؟
نو اوس چې امريکا نسبتاء پخواني حالت ته کمزورې شوې ده نو ځکه خو يې له طالبانو سره د سولې پر مهال له طالبانو غوښتل چې په ائينده کې به امریکا ته ګواښ نه پېښوي.
نو که دا ووايو چې امريکا اوس د خپل امنيت د ساتلو غم اخيستې، هم سمه او پر ځای خبره به وي.
