کابل ټکی کام (جمعه، ۲۹ وږی ، ۱۳۹۸ل)
د سعودي عربستان ایتلاف یوځل بیا یمن کې په حوثیانو هوایي بریدونه کړي چې دې ډلې ته یې دځاني تلفاتو ترڅنګ لوړ مالي زیانونه هم اړولي دي.
د ا حملې دسعودي عربستان د تیلو پر دوو تصفیه خانو باندې تر بریدونو شپږ ورځې وروسته تر سره شوي دي چې انتقامي اقدام بلل کیږي.
دغه پوځي ایتلاف ویلي دي چې د دوی په عملیاتو کې څلور پوځي هدفونه د حدیده بندري ښار په شمالي څنډه کې له منځه وړل شوي دي.
ویل کېږي چې په دغه ځای کې سمندري ماینونه او چاودیدونکي توکي تولیدېدل.
حوثيانو د تیرې شنبې په ورځ د سعودي عربستان د تیلو پر دوو تصفیه خانو باندې د بې پيلوټه الوتکو بریدونو مسوولیت پر غاړه اخیستی دی.
دسعودي عربستان دتېلو په تولید ځایونو بریدونو کې دایران لاس بلل کیږي، خو ایران بار بار لګول شوي تورونه رد کړي او دا یې دامریکا دتورونه رونه لړۍ یاده کړې.
