سیګار: طالبانو سره دامهال ۶۰ زره جنګیالي شتون لري، خوداتعداد پسرلي کې ۱۵۰ زره ته لوړیږي

کابل ټکی کام (جمعه، ۲۹ وږی ، ۱۳۹۸ل)

د امریکا د ځانگړي مفتش دفتر (سیگار) یوځل بیا دطالبانو دجنګیالیو له لوړ تعداد خبرداری ورکړی دی.

سیګار ویلي، که د طالبانو اړوند د زرگونو جنګیالیو د بیا ادغام لپاره پراخ پروګرام جوړ نشي؛ په افغانستان کې د سولې لرلید هیله مند نه دی اودلته به دخونړۍ جګړو شاهدان اووسو.

دغې ادارې د یوه راپور په خپرولو سره ویلي چې د طالبانو ډله اوسمهال شاوخوا ٦٠ زره جنگیالي لري او دغې ډلې سره شاوخوا ۹۰ زره نور جنگیالي هم د جگړو د فصل(پسرلي) پر وخت یوځای کیږي.

دسیګار په راپور کې راغلي چې د طالبانو له ډلې سره یوې موافقې ته د رسېدو په صورت کې هم که په ټولنه کې عادي ژوند ته د بېرته گرځېدو چارې ښې مدیریت نشي د نورو غیر قانوني ډلو له لوري د هغوی د استخدامولو خطر موجود دی او په افغانستان کې د نا امنیو د دوام احتمال شته.

سیګار تردې وړاندې هم دخپلو څېړنو په اساس خبر ورکړی وو چې طالبان دهېواد په ۶۰ سلنه حاکمیت لري، اوممکن دا فیصدي راتلونکی نور هم زیادت ومومي.