کابل ټکی کام (سه شنبه، ۱ تله ، ۱۳۹۸ل)
پخواني ولسمشر حامد کرزي د هلمند په موسی کلا ولسوالۍ کې د واده پر مراسمو د امریکایي پوځیانو له لورې شوی برید بشر ضد جنایت بللی اوهیوال وال یې ملي اتحاد ته رابللي.
یاد برید تېره شپه د واده پر مراسمو ترسره شو چې له امله یې تر ۷۰ ډېرو ملکي وګړو ته مرګ ژوبله واوښته او دنړۍ له کونج کونج څخه یې توند غبرګونونه راوپارول.
د کرزي له مطبوعاتي دفتره په خپرې شوې اعلامیه کې راغلي، د هلمند په موسی کلا ولسوالۍ کې د واده پر مراسمو د امریکایي پوځیانو ظالمانه بمباري په کلکو ټکو غندي او دغه غیر انساني عمل، د افغانانو قتل عام او بشري ضد جنایت بولي.
کرزي په هېواد کې د روان ناورین د پای ته رسېدو لپاره بیا هم تکراراً د سولې ږغ کړی دی او د افغانستان له خلکو یې غوښتنه کړې ده چې د افغانانو د قتل عام د پای ته رسولو لپاره د هېواد له ګوټ ګوټ څخه په ملي اتحاد او اتفاق، د بین الافغانی مذاکراتو له لارې د سرتاسری سولې د ټینګښت لپاره یو موټي او همغږي شي.
دابرید چې تېره شپه لس بجې تر سره شوی درنده مرګ ژوبله اړولې ده، دولایتي شورا یو غړي تر ۴۵ د ډیرو شهیدانو خبر ورکړی؛ خو ځایي اوسیدونکي دمرګ ژوبلې ارقام له هغه لوړ ګڼي چې خواله رسنیو کې نشر سوي دي.
