کابل ټکی کام (چهارشنبه، ۱۷ تله ، ۱۳۹۸ل)
نن چارشنبه ترکي چارواکو ویلي وو، چې له سوریې سره پر ګډه پوله یې د خپلو پوځیانو شمېر ډېر کړی دی او ډېر ژر به سیمه کې د کردي جنګیالیو پر ضد عملیات پیل کړي.
خو څو شیبې وړاندې د دغه هېواد ولسمشر په سوریه کې د نظامي عملیاتو د پيلولو اعلان وکړ او په خبره یې چې داعملیات به تر نامعلومې مودې دوام ولري.
د ترکي رسنيو د راپورونو په حواله، دا پوځي عمليات د سوريې له ځواکونو سره په ګډه پلان شوي دي.
د ترکيې پوځ غواړي چې د سوريې په شمال کې د امریکا پلوه کردي جنګیالیو پر ضد پراخ پوځي عمليات ترسره کړي او دا ډله کلکه وځپي.
دوه ورځې وړاندې امریکایي ولسمشر ډونالډ ټرمپ اعلان وکړ چې له ترکیې څخه به خپل ځواکونه وباسي، دې سره ترکي پوځ ته لاره هواره شوه چې خپل پوځي عملیات پراخ کړي.
امریکایي ولسمشر ډونالډ ټرمپ دترکي پوځ د عملیاتو له اعلان وروسته یاد هېواد ته خبرداری ورکړ چې که ناسم ګام پورته کړي اقتصاد به یې صفر کړي.
