ننګرهار: په جومات کې دلمانځه پر مهال غبرګو چاودنو درنده مرګ ژوبله اړولې
کابل ټکی کام (جمعه، ۲۶ تله ، ۱۳۹۸ل)
راپورونه وایي چې دننګرهار ولایت په هسکې مېنې ولسوالۍ یو جومات کې د جمعې پر لمونځ کوونکو دوه غبرګو چاودنو درنده مرګ ژوبله اړولې ده.
د ننګرهار د والي ویاند عطاءالله خوږياڼی وايي، دې پېښه کې تر اوسه ٢٨ تنه وژل شوي او ٥٥ نور ټپيان دي.
خو د يادې ولسوالۍ د روغتون يو روغتياپال زرغون بيا وايي، چې په ياده چاودنه کې تر اوسه ۳۲ تنه وژل شوي او تر ۶۰ زيات ژوبل دي.
بل خوا ځینو ځايي رسنیو د پېښې د مړو شمېر د ۲۰ په شاوخوا کې ښودلی او تر اوسه لا تپيان د ننګرهار حوزوي روغتون ته رارسول کېږي.
دیادې چاودنې مسئولیت تر اوسه کومې ډلې نه دی منلی، خو ډیر شک دداعش پر وسلوالو اوحکومتي استخباراتو کیږي.
