کابل ټکی کام (سه شنبه، ۳۰ تله ، ۱۳۹۸ل)
وسلوالو طالبانو دهلمند په مرکز لښکرګاه کې دامریکایي ځواکونو په یوې سترې اډې ګن توغوندیز بریدونه تر سره کړي دي چې مرګ ژوبله یې اړولې ده.
دطالبانو ویاند قاري یوسف احمدي په خپله ټویټر پاڼه لیکلي《د هلمند په لښکرګاه کې د امریکايي ځواکونوپه اډه ۶۵ توغندي وویشتل شول، لسګونه عسکر مړه او ژوبل دي.
احمدي زیاتوي، یاد بریدونه نن ماسپښين شاوخوا ۳ بجې د هلمند ولایت مرکز لښکرګاه اړوند د (۵۰۵) بوست زون په نامه هوايي اډه چې د امریکايي ځواکونو مهمه ځاله او استخباراتي اډه ده؛ وویشتل شول.
احمدي وړاندې لیکي، دغه بریدونه په داسې مهال وشول چې یاده اډه کې سلګونه امریکايي او ګڼ داخلي عسکر مېشت وو.
احمدي دخپل برید په اړه علاوه کوي، ټول توغندي په خورا دقت سره په نښه شوي اهدافو لګیدلي چې له امله يې لسګونه امریکايي او داخلي عسکر وژل شوي او ټپیان دي.
احمدي وایي، د مالي تلفاتو په لړ کې د عسکرو د اوسیدونکې بارکونه او خونې نړيدلې، ګڼ شمیر موټر، ټانګونه، د تیلو ذخیرې، د مهماتو او خوراکي توکو ګودامونه او نور تأسیسات له منځه وړل شوي.
دیادونې ده، دا بریدونه داسې مهال کیږي چې لوړ پوړي امریکایي چارواکي کابل کې دي او د یوسیاسي جوړ جاړي په پار له حکومتي او نظامي چارواکو سره په سلا مشورو بوخت دي》.
