ترکیه: د داعش نيول شوي جنګیالي به خپلو هیوادونو ته وسپارو

کابل ټکى کام (دوشنبه ، ١٣ لړم ، ١٣٩٨ل)

د ترکیې د کورنیو چارو وزیر تيره ورځ ويلي چې هیواد به یې د داعش د غړو له پاره کوم “هوټل” نه دی جوړ کړي او غواړي د دغې وسلوالې او ويره اچونکې ډلې نيول شوي جنګیالي جرمني او ځینو نورو اروپايي هیوادونو ته وسپاري.
ترکیې وايي چې د داعش وسلوالې ډلې ۲۰ جرمني غړي به ډير ژر خپل هيواد ته وليږي.
ياد خبر د ترکیې د ولسمشر “رجب طیب اردوغان” د نړيوالو اړيکو مسٶل هم تايٸد کړى دی. د “فحرتین التوم” د معلوماتو په اساس د ترکیې پوځ یوه میاشت مخکې د سوریې په شمال کې دسولې دچينې په نوم د تازه پيل شويو پوځي عملیاتو په لړ کې د داعش څلور جرمني غړي نیولي دي.

ښاغلي التوم په استانبول کې یو شمیر رسنیو ته ویلي موږ د وسلوالو ډلو په ضد مبارزه کې د خپلو متحدینو ګډې همکارۍ او ګډ مشارکت ته اړتیا لرو

تيره ورځ د ترکیې د کورنیو چارو وزیر “سلیمان سویلو” ویلي وو موږ د هیڅ کوم هیواد د داعش د غړو له پاره هوټل نه دې جوړ کړى.

هغه په ځينو هغو اروپايي هيوادونو باندې کلکې نيوکې وکړى چې له خپلو اتباعو يې تابعيت سلب کړى.