کابل ټکى کام (سه شنبه، ۱۴ لړم ، ١٣٩٨ل)
وسلوالو طالبانو نن سه شنبه د لوګر ولایت مرکز ته نږدې دبهرنیو ځواکونو په نظامي قطار برید کړی چې په نتیجه کې یې ۵ تنه بهرنیو سرتېرو ته مرګ ژوبله اوښتې.
طالب ویاند ذبیح الله مجاهد په خپله ټوېټر پاڼه لیکلي《 نن مازدیګر د لوګر ولایت مرکز اړوند دوشنبه سیمه کې د امریکایي او غلام دښمن په ګډ عملیاتي قطار برید وشو.
مجاهد زیاتوي، د یاد برید په نتیجه کې ۲ امریکایي اشغالګر عسکر ووژل شول، ۳ نور شدید ټپیان شول》.
د یادؤنې ده چې طالبانو دمذاکراتي بهیر له درېدا وروسته یوځل بیا دبهرنیو او داخلي پوځیانو پر وړاندې خپله جګړه تېزه کړې، هره ورځ په مختلفو ولایاتو کې د ګډو ځواکونو دمرګ ژوبلې درانده راپورونه ورکول کېږي.
