عراق: د امریکایي ځواکونو په قرارګاه توغوندیز بریدونه شوي
کابل ټکى کام (شنبه، ۱۸ لړم ، ١٣٩٨ل)
د عراقي رسنیو د راپورونو له مخې نن نامعلومو وسلوالو په عراق کې د القیاره پر نظامي اډه ۱۷ راکیټه توغولي دي.
امریکایي چارواکو تر اوسه ددغه راکیټي بریدونو د ځاني او مالي زیانونو په اړه څه نه دي ویلي، خو ویل کېږي چې برید تلفات لري.
القیاره د عراق په شمال کې د امریکايي ځواکونو مهمه نظامي اډه ده چې ددغه پوځ سلګونه عسکر او نظامي تجهیزات پکې موجود دي.
ددغه نظامي اډې ډېری عسکر دداعش ضد جګړه کې فعالیت کوي.
د عراق ددفاع وزارت ویلي چې په القیاره کې د امریکايي ځواکونو هوايي قوتونه هم پراته دي.
سرچینې وايي ددغه راکیټي بریدونو د عاملینو پر ضد عملیات پيل شوي دي.
