پکتیا: په اریوب ځاځیو ولسوالۍ کې د هوایي برید له امله د یوې کورنۍ اووه غړي وژل سوي
کابل ټکى کام (دوشنبه، ۲۰ لړم ، ١٣٩٨ل)
په ملکي کورونو او موټرو د ړندو بمباریو پر دوام یو ځل بیا دپکتیا په اریوب ځاځیو ولسوالۍ کې دهوایي برید له امله د یوې کورنۍ اووه غړو خپل ژوند له لاسه ورکړی دی.
د اریوب ځاځیو ولسوالۍ د علي سنګیو سیمې قومي مشر انور صدیقي وایي چې نن ماښام شپږ بجې د بهرنیو ځواکونو بې پیلوټه الوتکې علي سنګیو سیمه کې یو سراچه موټر په نښه کړی چې له امله یې د ښځو او ماشومانو په ګډون یې د یوې کورنۍ اووه غړي وژل شوي دي.
صدیقي وایي په وژل شویو کې درې ښځې دوه ماشومان او دوه سړي شامل دي.
د پکتیا امنیه قومانداني سیمه کې هوایي برید تاییدوي او وایي چې د مرګ ژوبلې په اړه کره مالومات په لاس کې نه لري.
یاده دې وي، دوه ورځ وړاندې لغمان ولایت کې دبهرنیو ځواکونو له لوري د ملکي وګړو په موټرو اور اچونکي مواد شیندل شوي وو چې موټر په بشپړه توګه ویجاړ او سپارلیو ته هم پکې مرګ ژوبله اوښتې وه.
