کابل ټکی کام (شنبه، ۲۵ لړم، ۱۳۹۸ل)
د امریکا د مشرانو جرګې مشرې اوديموکراتې سناتوری “نانسي پلوسي” خبريالانو سره په خبرو کې ویلي، د اوکراین په اړه د ولسمشر ټرمپ په وړاندې داسې کره شواهد موجود دي چې هغه له اوکراین سره ديوې پټې معاملې له امله د بډو په جرم کې ښکېل ښيي.
پلوسي زياته کړې، چې ټرمپ د داسې ستره تېروتنه کړی چې ممکن له دندې پرې ګوښه کړل شي. پلوسي وايي بډې دا دي چې د یو جعلي تحقیق په وړاندې پوځي مرستې بندي شي او یا اجازه ورکړل شي.
ټرمپ دا خبره مني خو ګمان کوي چې په دې کې کومه خبره نه شته ده، نو د هغې په خبره دا په اصل کې یوه ستره تېروتنه او بډې دي. ټرمپ څه موده وړاندې اوکراین ته د ۳۹۱ میلیون ډالرو په ارزښت د وسلو د مرستو درولو پرېکړه کړې ده. که څه هم ټرمپ وایي چې خپل واک سره سمه پرېکړه یې کړې خو اوس ډیموکراټان څېړنه کوي چې ایا ولسمشر اوکرایین ته د ۳۹۱ میلیون ډالرو په ارزښت د وسلو د مرستو په درولو سره له خپله واکه ناوړه ګټه اخیستې او که نه.