فارياب: د ګډو ځواکونو چاپه او بمبار کې څلور ملکيان وژل شوي
(کابل ټکی کام، ۱۳۹۸ لړم ۲۷، دوشنبه)
د فارياب ولايت په خواجه موسی ولسوالۍ کې دګډو ځواکونو په شپنيو عملیاتو او بمبار کې ملکي خلکو ته مالي او ځاني زيانونه اوښتي دي.
دغه عملیات تيره شپه د يادې ولسوالۍ په مرکزي سيمه کې ترسره شوي چې د ځايي اوسیدونکو په وينا، یو تن ملکي کس يې په چاپه کې وژلی او يو بل تن يې له ځان سره وړی دی.
ځايي خلک وايي، ګډو ځواکونو د بيرته تګ پر مهال بمبار کړی چې دوه کورونه يې ویجاړ کړي او درې تنه عام کليوال پکې وژل شوي دي.
طالبانو په ياده سيمه کې د ګډو ځواکونو له خوا پر ملکي ميشت ځايونو دغه عمليات جنايت بللی دی.
د فارياب ولايتي چارواکي په دې اړه له معلوماتو ورکولو ډډه کوي.
په وروستيو کې راپورونه ورکول شول چې د امریکايي استخباراتو ملاتړي (صفریو، صفر دوه، صفر درې قطعې او ځانګړي ځواکونه) چې روزنه، اکمالات او امر يې امريکا ورکوي، په عملياتو کې ملکي خلک په نښه کوي.
