ليکوال: ابو عمر خپلواک
ځینې هغه افغانان چې په افغانستان کې د اشغال لا دوام غواړي او د اشغالګرو امریکایانو په افغانستان کې پاته کېدو ته پلمې لټوي دوی په خلکو کې داسي وېره خپروي چي ګواکې که امریکایان له افغانستان څخه ووځي په افغانستان کې به یو ځل بیا خپل منځي جګړه پیل شي.
زه وایم تاسې هغه د شر او فساد د خپل منځي جګړو او بیا د نن ورځې وضعیت سره پرتله کړۍ چې کوم توپیر پکې لیدل کېږي؟
د خپل منځي جګړو په وخت کي هم په پاټکونو له خلکو او موټروانانو په زوره روپی اخیستل کېدلې نن به هم هره ورځ تاسې دغسې راپورونه په رسنیو کې لیدلي وي چي د پولیسو او اربکیانو له لوري په لویو لارو له غریبو موټروانانو څخه په زوره روپۍ اخیستل کېږي که ور یې نه کړي وهل او ټکول کېږي.
د خپل منځي جګړو په وخت کې هم د هیواد په لویو لارو کې په ښځو په زوره جنسي تیری کېده، نن هم په رسنیو کې ډېر داسې راپورونه خپرېږي چه یوه بېلګه یې هغه څو میاشتې مخکې په کندز ولایت کي چې یوه زنانه له موټر څخه را کښته کوي او بیا د خپل خاوند په مخکي د ملي اردو د یو قمندان او ساتونکو له خوا پرې په زوره جنسي تېری کېږي
او بله بېلګه چي څو ورځې مخکي په تخار ولایت کي د ملي اردو د یو عسکر کورته د ملي اردو بل قمندان ورځي او د ملي اردو د عسکر په مېرمن په زوره جنسي تېری کېږي
او هغه د ښځینه وکیلانو د جنسي ځوروني راپورونه خو به مو د بي بي سي، ازادي راډیو او اشنا تلویژن له خولې څو ځله اورې دلي وي؟
د خپل منځي جګړو په وخت کې به هم ښایسته هلکان د قمندانانو له خوا ستاتل کېدل یا به په زوره په لویو لارو کې له موټرو را کښته کول کېدل نن همدغسې حالت د پولیسو اربکیانو او ملي اردو په لیکو کې روان ده، موږ ډېرې بېلګې لرو چې د هیواد په مختلفو ولایتونو کي د هلکانو په سر د یو او بل قمندان تر منځ جګړې شوې
او دا څو ورځې مخکې خو لا دا راپور هم په رسنیو کې نشر شو چې یوازې په لوګر ولایت کې په شپږو ښونځیو کي په پنځه سوه پنځوسو ماشومانو باندې جنسي تېری شوی،
قسم نور سړی شرمېږي په لیکلو باندې یې
دا یوازي هغه بېلګي او راپورونه دي چي په همدغو غربي رسنیو کي خپاره شوي دي
او هغه د دوستم او اشجي او هغه د کابل پوهنتون او فډبال فدراسیون هغه لویي لویي کیسې خو لا بل طرف ته د خپل منځي جګړو په وخت کي هم د ورځې په سلګونه بې ګناه افغانان په شهادت رسېدل او اوس هم د هیواد په بيلا بيلو ولایتونو کي د اشغالګرو او ګډو وحشي ځواکونو لخوا په هوایي بمباریو شپنیو چاپو کي په ډېره بې رحمي سره بې ګناه ښځي ماشومان سپین ږېري ځوانان په سلګونه تعداد هره شپه او ورځ شهیدانېږي،
بیا نو ولې خلک موږ له خپل منځي جګړو وېروي؟
