کندهار: ژېړۍ ولسوالۍ کې دترافیکي پیښې له امله اته تنو ته مرګ ژوبله اوښتې
کابل ټکى کام (پنجشنه، ۷ لیندۍ ، ١٣٩٨ل)
د کندهار ولایت په ژېړۍ ولسوالي کې د دوو موټرونو د ټکر له امله اته کسانو ته مرګ ژوبله اوښتې ده.
د ژېړۍ ولسوالۍ سیمه ییزو چارواکو ویلي چې دا پېښه نن له غرمې وروسته د یادې ولسوالۍ په مربوطاتو کې د فیلډر او لوکسل موټرونو د ټکر له امله رامنځته شوې ده.
د چارواکو په وینا، په دې پېښه کې څلور کسان مړه شوي او څلور نور سخت ټپیان دي چې د یادې ولسوالۍ روغتون ته لېږدول شوي دي.
د کندهار حکومتي چارواکو د ټپیانو د روغتیایي حالت په اړه تر اوسه څه نه دي ویلي.
خو د پېښې علت د سړکونو خرابوالی او د موټرچلوونکو بې احتیاطي ښودل شوې ده.
د کابل _ کندهار لویه لار یوه له هغو ده چې هره ورځ، او یا یوه ورځ باد پرې ترافیکي پیښې رامنځته کېږي، او لسګونه مسافر پکې خپل ژوند له لاسه ورکوي.
