ټاکنو کمېسيون: د لاريونونو له امله تر چاڼ وړاندې رايې نشو باطلولی
کابل ټکی کام (شنبه، ۹ ليندۍ، ۱۳۹۸ل)
د افغانستان د ټاکنو کمېسیون د ډاکټر عبدالله عبدالله له لوري د تېرې ورځې د تنظیم شويو د لاریونونو په غبرګون کې نن وویل، د رایو له چاڼولو او بیا شمېرنې وړاندې رایې نشی باطلولی.
کمېسیون په يوه خپره کړې اعلاميه کې ټولو ښکېلو غاړو په ځانګړې توګه د ولسمشرۍ ټاکنو نوماندانو او د افغانستان خلکو ته ډاډ ورکړی چې “دوی ته یوازې هغه رایې اعتبار لري چې بایومټریکي اساس ولري.
تېره ورځ کابل کې د ثبات او همپالنې ټاکنیزې ډلې پلویانو پراخ لاریون وکړ او ‘د ټاکنو کمېسیون له خوا د غير قانوني كړنو پرخلاف يې شعارونه ورکول.
په داسې حال کې چې دافغانستان ټاکنې یو ځل بحراني کيدونکې دي، د ولسي جرګې مشر میر رحمان رحماني وویل، پر واټونو زور ښودنه د هېچا په ګټه نه.
د ولسي جرګې مشر د ټاکنو له کمېسیون څخه هو وغوښتل چې خپل بې پرېتوب ثابت کړي او خلکو ته ډاډ ورکړي چې ددوی له رایو سره “خیانت” نه کېږي.
