ليکوال: ابو عمر خپلواک
اشغالګر او د کابل مزدوره اداره د هوایي، ځمکني او فکري اشغال وروسته اوس غواړي زموږ ناموس هم اشغال او وروسته یې لیلام کړي.
په اسلام او اسلامي ټولنه کې د ښځې له پاره د خپل پلار او خاوند کور ددوی له پاره د امن او عزت کور ده.
اوس اشغالګر غواړي چې زموږ د مسلمانو ښځو، خويندو او میندو دا د امن او عزت کور وران او پر ځای یې ښځې د یو بل د امن په نوم د شر او فساد کورونو طرف ته تشویق کړي، تر څو ددوی ناولي نجس لاسونو په اساني سره زموږ ناموسونو ته ورسېږي.
که ریښتیا هم له دوی سره زموږ او زموږ د خويندو میندو دومره فکر وي، بیا ولې دوی زموږ له ضرویاتونو خلاف پروژې پلي کوي؟
کوم څه ته چې زموږ خويندې ضرورت لري، ولې هغه ددوی ضروریات نه پوره کېږي؟
زموږ په هیواد کې په لکونو شمېر سره زموږ يتيمان، کونډې، خويندې او میندي په دغه سړه هوا، په دا یخ ژمي کې د شین اسمان لاندې شپې او ورځي سبا کوي چې هیڅ بام یا چت په سر نه لري بغیر له یو ریڼ پلاستیک نه کور خو ډېره لرې خبره ده.
تردې چې زموږ ځينې يتيمان، کونډې، خويندې او میندي خو د ډېر یخ له امله خپل یا د خپلو ماشومانو ژوند له لاسه ورکوي.
بل طرف ته هیواد ته د نويو را ستانه شويو کډوالو بغارې تر اسمانه رسېږي چې موږ تر شنه اسمان لاندې په بیابان پراته یو د خدای له پاره زمو غم وخورئ، بچي مو له یخني او له ګرمي مړه شول؛ خو د هغوی غم هیڅ څوک نه خوري؛ ځکه چې په دې کې ددوی ګټه نه، بلکې توان یې ډېر دی.
په هیواد کې په لکونه زموږ کونډې، یتيمانې، خويندې او میندې د یوه وخت ډوډۍ پیدا کولو له پاره د هیواد په سړکونو، بازانو او واټونو کې ناست وي، خیرات غواړي، د هغوی غم هیڅ څوک نه خوري؛ ځکه د کټې پر ځای يې توان ډېر دی.
په دې اتلسو کلونو کې هیواد ته د ښځو د حقوقو په نوم په میلیونونو او اربونو ډالر راغلل څه شول؟
په هغو راډیوګانو او تلویژنو مصرف شول چې شپه ورځ فحشا ته د ښځو د تشویقولو له پاره کار کوي او یا هغو ښځو ته د معاش په نوم ورکول کېږي چې په یادو راډیوګانو او تلویژنونو کې فحشا ته د ښځو د تشویقولو له پاره فحش خپرونې جوړوي.
راځم خپلې خبرې ته لکه څرنګه چې به تاسې اوریدلې وي چې د هیواد په بیلا بیلو ولایتونو کې د ښځو له پاره د امن کورونه جوړېږي،
چې عملي چارې یې په کندهار او پکتیا کي روانې دي، د امن کور معنا دا چې هغه ښځې چي د خپل پلار یا خاوند په کور کې ددوی غیر مشروع غوښتنې نه پوره کېږي د یادو ښځو له پاره به د ولایت په کچه یو غټ تعمیر جوړېږي.
بیا دوی په راډیوګانو او تلویژنو کې خپل د تلیفون شمېره د هغو ښځو له پاره اعلانوي چې په خپل کور کې یي غیر مشروع غوښتنې نه منل کېږي، هغه ښځې به بیا له دوی سره اړیکه نیسي، او د دغه په اصطلاح د امن خونو خو په اصل کې د فحشا خونو ته پنا وړي.
