کابل ټکی کام (سه شنبه، ۱۲ ليندۍ، ۱۳۹۸ل)
د امريکا اولسمشر ډونالډټرمپ نن په لندن کې د ناټو سازمان سرمشریزې پر مهال وویل: “ایران ښايي زرګونه کسان وژلي وي او همدا لامل دی چې د انټرنيټ خدمات يې بند کړي، ترڅو خلک هلته روان وضعیت ونه ویني”.
د نوموړي په خبره: د وژل شویو شمېر ډېر زیات دی او دا یو بد خبر دی. ټرمپ داسې مهال دا څرګندونې کړي چې په ایران کې د وژل شويو اعتراض کوونکو ناتاييد شوي ارقام خپاره شول.د ایران د قضایه قوې ویاند غلام حسین اسماعیلي د لوی شمېر کسانو د وژل کېدو خبر رد کړ.
د يادونې وړ ده، چې وړمه ورځ د بخښنې نړیوال سازمان په يوه خپره کړې اعلاميه کې ويلي و، چې په ایران کې له تېرې یوې میاشتې راهيسي ۲۰۸ لاريونوال د پولیسو له لوري وژل شوي دي.
