کابل ټکی کام (چهارشنبه، ۱۳ ليندۍ، ۱۳۹۸ل)
تېره شپه يو ځل بیا د ننګرهار ولايت شېرزادو ولسوالۍ کې د صفر۲ قطعې ځانګړو دولتي عسکرو د ملکي خلکو پر کورونو چاپه وهلې، او ۱۴ ملکي وګړو ته يې مرګ ژوبله اړولې.
د شېرازدو ولسوالۍ يوه اوسېدونکي مجیب الرحمن رسنيو ته ويلي، صفر۲ دولتي عسکرو د کوديخېلو سيمې په زيارت کلي کې د بزګرانو پر کورونو چاپه وهلې، شپږ تنه يې وژلي او اته نور يې ټپيان کړي دي.
د يادونې وړ ده، چې څو ورځې وړاندې هم دولتي عسکرو د شېرزادو په مرکيخېلو کې د سيمې د يوه سپين ږيري خیرالله دادا پر کور چاپه وهلې وه، چې په پايله کې نوموړی او ورسره مېلمه وژلی او زوی يې زخمي کړی و.
