کابل ټکى کام (پنجشنبه، ۲۱ لیندۍ ، ١٣٩٨ل)
د امریکا د بهرنيو چارو وزير مايک پومپیو پر بګرام پوځي اډه باندې پرونی خونړی برید په سختو ټکو غندلی دی.
پومپیو نن خبریالانو سره خبرو کې ویلي چې روان بریدونه به د سولې خبرې زیانمنې نه کړي او له طالبانو سره خبرو ته دوام ورکوي.
نوموړي هیله څرګنده کړې چې ژر تر ژره به د دواړو لوریو لخوا په روانه جګړه کې تاوتریخوالی کم کړل شي.
پومپیو د خپلې خبر پاڼې پر دوام پروني برید کې د پنځو امریکايي سرتیرو د ټپی کیدو خبر هم ورکړی دی.
دا برید تیره ورځ سهار شپږ بجې د یو موټربم په وسیله پیل، او وروسته یو شمېر وسلوال اډې ته په ننوتو بریالي شول.
د برید مسئولیت طالبانو منلی او د درندو مالي او ځاني زیانونو ادعا یې کړې ده.
