غورځنګ
کابل اداره چې له نن څخه تقريباً اتلس کاله وړاندې د امریکا په مستقيمه لارښوونه رامنځته شوې، ياده اداره د کابل د اوباشانو هغه مجموعه ده کومو چې هر وخت په افغان وژنه کې مستقيم او غير مستقيم لاس لرلی، له الف نه واخله او تر يا پورې ټولې اعضاوې يې په نړيوال فساد، زنا، لواطت او نورو زياتو جرائمو تورنې دي.
يادې ادارې ته که يوازې هغه امریکايي ډالر حساب شي کوم چې له امریکايي بانکونو څخه ظاهراً د مرستو په نامه راوارد شوي، نو افغانستان پرې څو ځله جوړېده او که چېرته دغه ډالر سم وېشل شوي وای نو اوس به په افغانستان کې د غريبۍ څرک نه لګېده بلکې افغانستان به د نړۍ د هغو غوره اقتصاد لرونکو هېوادونو له جملې څخه ؤ کوم چې پرمختللی اقتصاد لري او د نړۍ هر هېواد ته صادروونکي شيان لري.
خو د شنونکو پر باور ياده اداره له داسې اوباشانو جوړه ده چې په تېرو اتلسو کلونو کې يې جېبونه ډک نه شول او هم په دومره امريکايي ډالرو ماړه شول.
د يادې ادارې اوباشان ځکه معامله ګر دي چې د اتلسو کلونو کې په طويله موده کې يې د امریکايي ډالرو په مقابل کې نه یوازې د افغانانو وينې خرڅې کړې بلکې د ملي نواميسو ارزښت، ملي شتمنۍ، تاریخي شهامت او مېړانه او هر څه يې د امريکايانو او نورو نړيوالو پښو ته وغورځول.
د کابل ادارې د معامله ګرۍ له جملې څخه يې يوه هم هغه معامله چې د دغې ادارې مشران يې په بار بار تکراروي. دغه معامله يې د هغو افغان تاریخي افتخاراتو او لوړو شخصيتونو په نامه مډالونه پلورل او هغو امریکايانو ته يې ورکول چې د افغانانو د وينو په تويولو کې خورا مهارت او لاس لري.
د دغې ادارې مخکښان امریکايانو ته دا ورفهموي چې ګواکې افغانان تاسو د خپلو تاريخي اتلانو او په افغانستان کې کړي جنايات مو د شهکارونو په څېر ارزوي، له دې امله ده چې د افغانستان د مختلفو غازیانو او ملي اشخاصو په نامه کله امریکايي جنرال ډيوډ پټرايس ته د وزير محمد اکبر خان مډال، کله هم بيا نورو امریکايي جنرالانو او ناټويي جنرالانو ته د افغانستان د سترو غازيانو په نامه مډالونه ورکوي. چې په حقيقت کې د کابل ادارې دغه ډول کړنې د افغانستان له تاريخ سره نه یوازې ستره جفا بلکې ستر جنايت او د تاریخ د شرمولو سترې کرښې دي، دغه چارواکي په هيڅ صورت د افغانستان په درد نشي خوړل کېدی بلکې افغانستان ته تل درد سر جوړ شوي دي.
که تاریخ وګورو نو وبه وينو چې اوسني د امریکا ډول ته ګډېدونکي ډيموکراټان د هماغو پخوانیو کمونستان بچيان او لسميان دي کوم چې هغه وخت د روسانو غږېدوني ډول ته ګډېدل، دا ډيموکراټان هماغه د هماغو معامله ګرو بچيان دي کومو چې د افغانستان د ملت په وينو د روسانو له کې جي بي سره معامله وکړه او دغه سپېڅلې وينې يې پر روسي وحشي عسکرو وبهولې.
دغه ډول نني او اوسني ډيموکراټان هماغه د ګندمک د معاهدې د لاسليک کوونکو معامله ګرو لمسيان او کړوسيان دي کومو چې له انګرېزانو سره د ګندمک شرموونکې معاهده وکړه او د افغانستان جغرافيوي موقعيت يې په وچه کې راګير کړ.
نو ځکه خو د کابل ادارې له اوسنیو اوباشانو څخه په ملي نواميسو، ملي تاريخي شهکارونو، اسلامي مقدساتو او نورو باندې له معامله ګرۍ پرته بله تمه نشي کېدای.
نو ځکه خو وايو چې کابل اداره د معامله ګرو ځاله ده.
