غورځنګ
تېرې ولسمشريزې ټاکنې چې مستقيماً د امريکا له لوري اعلان شوې او له طالبانو سره د امريکا له لوري پيل شوې سوله هم د همدې لپاره د ټرمپ له لوري لغوه شوه چې معلوم کړي، افغان ولس له ټاکنو سره څومره مينه لري او که تحريموي يې؟
يا هم لږ تر لږه د دې ټاکنو پواسطه امريکايانو دا معلومول غوښتل چې افغانان په افغانستان کې د امريکا او ناټو له نظامي شتون څخه خوښ دي او که نا؟ نو د دې لپاره يې سوله لغوه او د سولې ځای يې ټاکنو ته پرېښود. خو دا چې له ټاکنو سره افغان ولس په قطعي ډول پرېکون وکړ او بلکل يې رائيه ورنه کړه. د رائيو په ورځ که د کابل ادارې هر څومره اعلانات او تبليغات وکړل خو افغان ولس په دې برخه کې له طالبانو سره ملګرتيا وکړه او له ټاکنيز بهير سره يې پرېکون اعلان کړ.
نو په همدې اساس امريکا هم وفهموله چې افغان ولس نور د امريکا له شتون څخه تر پوزې راغلی او نه غواړي چې نور ان تر يوه ساعت هم د امریکا نظامي حضور او اشغال ومني، ځکه يې نو بيا ځلي سولې ته په هر صورت راودانګل او د سولې خبرې يې د طالبانو په غوښتنه له هماغه ځايه پيل کړې، په کوم ځای چې درېدلې وې.
خو دا چې د کابل اداره همېشه د امريکايانو په پاتې کېدو ټينګار کوي او تل داسې اعلاميې خپروي چې امريکايانو ته پکې په ګران هېواد کې د پاتې کېدو بلنه، تشويق او دعوت ورکول شوی وي، که څه هم امريکايان نور په افغانستان کې پاتې کېدو ته زړه نه ښه کوي، خو د کابل اداره په هر صورت ټولې هغه هڅې کوي، او ټول هغه کارونه کوي چې دامريکايي پوځيانو د پاتې کېدو لامل ګرځي.
بل لور ته امریکايان هم چې اتلس کاله وړاندې ګران هېواد ته راغلي وو، داسې نه وه چې ګواکې دوی ته دلته هيڅ ډول اهداف ونه لري او يوازې د اسامه بن لاندې د وژنې لپاره دې راغلي وي بلکې امریکا د نورې نړۍ په څېر په افغانستان کې هم هڅې کوي چې غربي ډيموکراسي پلې کړي تر څو ټول هغه صليبي حقوق چې په نوره اسلامي نړۍ کې د صلیبيانو لپاره خوندي دي؛ د امريکايانو لپاره هم په افغانستان کې خوندي واوسي.
نو د همدې لپاره امريکايان په افغانستان کې يوې داسې ادارې ته ضرورت لري چې امريکايي ګټې خوندي کړي او د امريکايي امرينو امر ومني.
خو دغه کار له دې مخکې ادارې چې د کرزي په لاس کې وه؛ په غاړه درلوده او د امريکايانو هر ارډر به يې په ټيټه غاړه مانه، په هر ځای کې به چې هر چا د امريکا د يرغل او ظلمونو په خلاف څه وويل! نو د کرزي ادارې به يې په خلاف عمليات تر سره کول، خو دا چې امریکا په تقسيم اوقات کې د کرزي کاري وخت ختم شو نو ځکه يې ځاي ناستی اشرف غني مقرر کړ.
ولسمشر غني په پوره توان د ولسمشرۍ په لومړۍ ورځ د قسم اخيستلو تر څنګ له امريکا سره د امنيتي تړون تر نامه لاندې يوه داسې معاهده لاسليک کړه چې له مخې يې د افغانانو د وژنې پوره واک او اختيار امریکا ته په لاس ورکړ.
چې له دې وروسته نو امريکا هم افغان وژنې ته له انفرادي شکل څخه ډله اييز شکل ته تغير ورکړ د افغانانو د مرګ جوازنامه يې تر لاسه کړه. خو دا چې امريکا نوره د افغانستان په جګړه کې ماتې خوړلو ته نږدې وه نو په دې اساس يې د خپلو تلفاتو بار د ولسمشر غني ادارې پر پوځيانو ورواچاوه او د واک د انتقالي پروسې تر نامه لاندې يې يوه پروسه پيل کړه چې ظاهراً يې له يوه لوري د کابل ادارې چاوراکي او کشران په دې اعتماد کې واخيستل چې ګواکې تاسې نور د افغان جګړې د بار وړلو وړتيا لرئ! او له دې ايسته به تاسو د دې جګړې بار په غاړه اخلئ! او بل لور ته يې خپل تلفات راکم کړل، يعنې اوس په جګړه کې زیاتره د ولسمشر غني پوځيان وژل کېږي.
د ولسمشر غني د دورې له لومړنيو انتخاباتو څخه رانيولې او بيا تر اوسه پورې ټولې انتخاباتي پروسې د دې لپاره وې چې امریکا ته د افغنانو د وينو تويولو جواز تر لاسه شي او له دې وروسته د افغانانو ډله ييزې وژنې پيل کړي.
نو په هماغه تعقيب وروستني انتخابات هم د افغانانو د وينو تويولو جواز هم له دغو انتخباتو، تېره ورځ په داسې حال کې تر لاسه شو چې ولسمشر غني د انتخاباتو ګټونکی اعلان شو.
او دا د دې لپاره چې د افغانانو وژونکې صفر يک، دو، سې او نورې قطعې د عامو ولسي وګړو په وژلو کې خپلواکې شي او هيڅکله هم پر افغانانو رحم ونه کړي نو ځکه وايو چې د ټاکنو د پايلو اعلان هم د افغانانو د وينو تويلو جواز نامه وه چې ولسمشر غني ته د تېر ځل په څېر دا ځل ورکړل شوه. خدای خبر چې دا ځل به نو وحشي قطعې د څومره بې ګوناه افغانانو ژوند واخلي؟
