ليکوال: غورځنګ
پر افغانستان د طالبانو د نظام له حاکميت سره سم د امريکا غوسه راوپارېده او طالبانو ته يې اخطارونه ورکول پيل کړل، چې ګواکې طالبان نړيوال امنيت ته ګواښ پېښوي نو ځکه بايد له منځه يووړل شي.
د دې لپاره چې امريکا نړۍ ته خصوصاً اسلامي ممالکو ته خپل زور وښيي نو يې پر افغانستان د بريد لپاره د سپتمبر پېښه بهانه کړه او بريد يې وکړ، دغه شان يې پر عراق هم د بريد لپاره پر صدام حسين تور پورې کړ چې ګواکې کېمياوي وسلې لري او پر خپلو مخالفينو يې کاروي، که څه هم امريکا نۀ پر طالبانو او القاعده ډلې د سپتمبر پېښه پۀ اثبات ورسوله او نه يې هم په عراق کې کېمياوي وسلې وموندلې…
خو اوس پوښتنه دا ده: هر کله چې پر افغانستان او عراق لګېدلي امريکايي تورونه غلط او ناسم وختل نو بيا امريکا د څۀ لپاره پر دغو دوو هېوادونو يرغل کاوه او ولې يې دومره مصارف کول؟؟؟
ځواب يې په لاندې توګه وايو!
امريکا او ټوله صليبي نړۍ د مسلمانانو تېر تاريخ تر غور لاندې نيولی او دا يې پکې درک کړې چې کک چېرته په کوم اسلامي هېواد باندې اسلامي نظام نافذ شي نو تر ټولو لومړی خو دا چې په اسلامي ممالکو کې به د صليبي امريکايانو شيطاني لاس مکمل لنډ او غوڅ شي. او صليبيان په اسلامي هېوادونو کې خپل اهداف نشي تحقق کولی.
بل دا چې په پخوانيو اسلامي نظامونو کې د عدل، انصاف او برابرۍ په خاطر زياتره صليبيان او د نورو اديانو پيروان اسلامي ژوند او اصول خوښوي او بلاخره په اسلام مشرف کيږي. نو امريکا ځکه په افغانستان کې د اسلامي نظام مخالفت کوي.
بل لورته کله چې پۀ کوم هېواد کې اسلامي نظام نافذ وای او امريکا پر مسلمانانو دا ډول ظلمونه کولی نو په هيڅ صورت به د اسلامي نظام څښتن هېواد دغه ډول ظالمونه نه وای زغملي او په حتمي توګه به يې پر مسلمانانو د ظلمونو مخه نيولې وای!!
ځکه نو امريکا هيڅکله داسې حالات نه غواړي.
