کابل ټکی کام (چهارشنبه، ۴ مرغومی، ۱۳۹۸ل)
افغانستان کې د روسیې ځانګړی استازی” ضمیر کابلوف” په خپلو تازه څرګندونو کې ويلي هېواد یې هیله لري چې د امریکا او طالبانو ترمنځ دسولې هوکړه ليک ژر تر ژره لاسليک شي.
“کابلوف” چې په پلازمينه مسکو کې يې خبریالانو سره خبرې کولی وويل ښايي چې د طالبانو او امریکايي لوری ترمنځ د نوي کال تر رخصتیو وروسته د سولې هوکړه ليک لاسلیک شي خو په اړه یې د دقیقې نېټې یادونه نه کړې.
ديادونې وړده چې “کابلوف” تر دې مخکې ویلي وو امریکايان او طالبان د سولې هوکړې ته نږدې شوي دي او د لاسلیک مراسمو ته یې د نورو هېوادونو د استازو په ګډون مسکو هم ور بلل شوې او دوی هم په دغو مراسمو کې د ګډون کولو لپاره چمتو دي.
