یو تن ۹ډالرو د غلا په تور ۳۸ کالو راهیسې امریکايي زندان کې پروت ده

دغه بدبخته تن ولی سایمنز نومیږي، او د تېرو ۳۸ کلونو راهیسې زنداني ده، دې مجرم نه څوک وژلي او نه يې کوم بانک لوټلی بلکې یو تن د بټوې څخه ۹ ډالر غلا کړي ول، خو ایالاتي قانون لخوا د غلا په تور  زنداني شوی.

سایمنز د ۲۵ کلونو وه چې بند خونې ته واچول شو خو هغه اوس د ژوند  ۶۲ م کال د تورو پنجرو شاته تېروي، ولی سایمنز د الابامه ایالت اوسیدونکی ده خو دی د دغه ایالت د تور قانون(هیبیچويل آفنډرلا) ښکار شوی په ده یوازې د ۹ ډالرو تور وه.

ددغه قیدي ټول معلومات یو خبریال بیتشیلبرن په ټویټ کې خپاره کړي چې د درې لسیزو څخه دغه قیدي په زندان کې ده، په ټویټ کې راځي چې دغه قیدي په ۱۹۸۲م کې د ۲۵ کلونو چې زنداني شو، خپله دغه زنداني وايي، زه نه پوهیږم چې ما کوم لوی جرم کړي خو دومره پوهیږم چې ۹ ډالر مې پټ کړي ول.

د دغه قیدي یوه خور په ۲۰۰۵ کې مړه شوي چې له هغه وروسته دده پوښتنې ته کوم خپلوان نه ده راغلی، دغه قیدي د امریکا په یو خطرناک زندان کې اچول شوی چې هلته قیدیان جنګ کوي او څوک يې نه خلاصوي، دې زندان ته ځنګلي زندان هم وايي.